Pagbantay sa recruitment scam — Shell

Nag-isyu og pasidaan ang Pilipinas Shell batok sa mga dautang tawo nga naggamit sa ngalan sa kompanya sa pag-ilad og mga aplikante. Matod pa, ang mga aplikante pangayuan og placement fee ug papaliton og personal protective equipment (PPE). Usa kini nga recruitment scam.

Pagbantay sa recruitment scam — Shell

Ang mga kasayuran nga naabot sa Shell nagbutyag nga kining mga mangingilad nagpa-aron-ingnon nga HR personnel sa kompanya og nagbutang og mga pekeng pahibawo sa internet. Nag-ingon sab sila nga mosumiter og resume ngadto sa shellphilippines.talents@gmail.com, usa ka peke nga email address. Dili kini opisyal nga email account sa Shell o bisan unsang paris nga kapunongan.

Human mopadala sa resume, ang mga aplikante ingnon dayon nga mo-advance og kantidad alang sa giingong cash bond ug presyo sa PPE. Ingon nga iuli ang maong kantidad inig kadawat sa applikante sa trabaho.

Kung napadala na ang kwarta, di na makontak sa aplikante ang maong scammer. Sa usa ka pamahayag, nagkanayon ang Shell nga kining maong mga tawo o grupo, walay koneksyon sa maong kompanya. Ang pagrekrut og mga aplikante sa Shell giagi lang sa mga opisyal nga mga channel ug walay kantidad nga pangayuon.

Nitambag ang Shell nga sa mga gusto mo-apply og trabaho, moagi sa mga opisyal nga channel para mosusi kung tinuod ang mga trabaho nga gipang-post.

Kini ang gi-post sa Shell sa ilang opisyal nga Facebook Page bahin sa nahisgutan nga insidente:

Kini usa ka hinungdanon nga pahibawo sa mga malimbongon nga komunikasyon nga gihimo sa mga miyembro sa publiko nga giangkon nga alang sa mga Kompanya sa sulod sa Shell Group. Palihug hinumdumi nga ang pagbayad ug fee ug pagpalit ug PPEs ay mga pamaagi sa giingong recruitment scam og dili mga proseso nga naggikan sa Shell.

Ang mga scam nga gipalihok labi na sa mga panahon sa krisis. Gipahimuslan sa mga scammers kining kritikal nga panahon sa Coronavirus pandemic. Mahimo nimong mabasa ang bug-os nga mga detalye dinhi.

ALSO READ: Shell fuels up Visayas frontliners to keep them on-the-go

Ang mga bakante nga posisyon sa Shell sa karon mahimong makit-an sa webpage sa Shell Philippines: www.shell.com.ph/careers.html

Pag-amping aron malikayan ang mga malimbongon nga komunikasyon nga nag-ingon nga mahimong alang sa mga kompanya sa sulod sa Shell Group. Hibal-i kung unsa ang angay buhaton kung makadawat ka og mga sayop nga kasayuran.